Ein heim blir til

Sinnasnekker`n...

2011-11-09T13:12:00.000-08:00

...har ikkje vore her, men me har sett han på nett-tv! Og god underhaldning har det vore. Men det har også vore ein aldri så liten oppvekkar for Sjova. Kvifor irritere seg over uferdige snikkeringsprosjekt, når eg faktisk kan fikse dei sjølv?!Merkeleg at tanken ikkje ein gong har slått meg. Før Sinnasnekker`n sa det!

Ein gong for leeenge sidan, blei vifta over komfyren kledd med gips. Kva me skulle ha oppå der att, blei aldri heilt avklara. Gamal tegelstein? Flisar? Flammelakkering? Plutseleg var nye og viktigare prosjekt rulla igong, og då vifta gjorde nytte som ho var....Jau, då blei ho berre ståande. Omtrentleg som å setje sofaen inn i den nye stova FØR listene er på plass!

Det skal seiast at den uferdige vifta har plaga Sjova eindel, men det måtte altså ein Sinnasnekker til for at eg skulle setje igong SJØLV. For ei nydelege kjensle å skru av den plata! Eg slo eit par lekter på plass (traff ventilasjonsrøyret au...)og etter mykje oppmåling og litt rydding i stabelen av gamal kjøkenpanel, fekk eg kappa borda til og spikra dei på plass

Litt vanskelege vinklar,men verktøyet er verkeleg halve jobben! Og det manglar ikkje på utstyr her i heimen! Berre det at eg ikkje har visst heilt kva eg skal bruke det til. Ikkje før Sinnasnekker`n fortalde det.

Panelen er i herleg LivsLyst kulør, men måtte desverre vike for fargen Honning som pryder resten av kjøkenet. Skal innrømme at Sjaven måtte gje meg ei hjelpande hand då nokre ekle vinklar skulle kappas til på listene, men neste gong...

Om Sinnasnekker`n hadde godkjent resultatet veit eg ikkje, men Sjaven var mektig imponert (eg au) og det er det viktigaste. Han blei faktisk så inspirert at då han skulle kjøpe ny drill her forleden, sa han: Den her er ikkje berre til meg, den er til KON! Så takk til Sinnasnekker`n for å oppmuntre ei stakkars husmor til å innta ukjend mark, og gjennom det spare seg sjølv for mykje irritasjon og gubben for mykje mas!

Ha ei strålande veke vidare!

Sjova

Historisk stein

2011-10-05T15:03:00.000-07:00

Endeleg byrjar det å bli greie på inngangspartiet kons! Tidlegare i sommar fjerna eg likegodt hellene som låg framfor dynna etter månader med snubling og vrikking av anklar på ujamne heller som både mangla sand mellom seg og justering i høve til bakkenivå!. Eg starta med liv og lyst på prosjektet rett før eg blei gravid, men så har det heile stått på staden kvil leeenge. Inntil far min fann fram spaden... Og inntil me skulle ha huset fullt av folk på Wilhelmine sin store dag...

Me fann ut at den beste løysinga inntil vidare var å leggje grus som på resten av gardsplassen, og lage skilje mot graset av kantstein. Natursteinsheller er desidert det finaste alternativet, men inntil vidare blei dette meir enn bra nok. Far svinga seg rundt i haustsola og fekk lagt ein fin kant på null komma niks. Takk Gud for hjelpsam og flink familie!Og for gamle brusteinar!

Om berre desse brusteinane kunne tale...! Hest og kjerre, syklar, bilar, rikfolk og fattige, ukjende og kjende personar har i årevis slite desse steinane i Skien sine gater. Ja, sjølvaste Henrik Ibsen har nok også vandra over brusteinen til heimen sin som låg like ved vegen dei er henta frå. Og så ein dag for nokre år sidan måtte steinen vike til fordel for ny vassledning og asfalt. Far min var med på arbeidet, men fekk i hui og hast redda nokre lass herleg brustein før resten blei køyrd på søppelfyllinga

Heime på garden hjå mor og far er brustein bruka til kant for mange,mange blomebed, og likevel hadde far ein haug stein liggjande som eg fekk plukke med meg. Og no prydar altså desse gamle, historiske brusteinane inngangspartiet til huset kons! Som det meste av interiøret her i huset, er også steinane gjenbruk. Sikkert derfor det blei så ekstra fint;-)

Trilletur og traktor

2011-08-19T04:04:00.000-07:00

Me hadde vel ein tanke om korleis det ville bli å gå frå å vere to til tre, men så annleis det har blitt! Å få ein unge er så mykje, mykje større enn ein kan førebu seg på, og me som syntes tida gjekk fort FØR, skjønar verkeleg ikkje noko no...Denne sommaren har gått så utruleg fort og den laaange what-to-do-lista kons, har me kasta for lengst. Istaden har det blitt mykje besøk, trilleturar og kos med veslejenta, og Sjaven har fått liv i sitt nye, lille vidunder. Måtte jo bli ein Gråtass av ein traktor her på bruket:-)

Det ville vel vore synd å seie at INGENTING har blitt gjort her i det siste, for sakte, men sikkert forsvinn stillaset rundt huset- takket vere Sjaven! Jippi! Denne kroken er heilt ferdig, og for fyrste gong på fleire år kan eg slå vindauga opp på vidt gap. Og eg kan vaske ruter utan å måtte leike akrobat. Men gleda av at huset byrjar å bli ferdig er kanskje størst!

Frittgåande høns er koseleg, men ikkje fullt så koseleg er det at dei skit over heile gardsplassen kons. Å berre ete smågrus er heller ikkje stas for dei skjønne fjørkrea. Så for å blidgjere både gardsfolk og høns, laga me ny utgong på fjosveggjen. I og med inngongen ligg rett imot hovudhuset, skjerma me av litt, med stakitt;-) Laga av Sjova (skry,skryt)

Utruleg kor mykje ting det samlar seg under ei låvebru, så litt avskjerming gjorde seg her au. Klatrehortensian min lika det iallafall:-) Å måle veggen har derimot ikkje vore lett med så mykje fukt...Oppe på låven har Sjaven innreda seg ein liten snekkarverkstad som mildt sagt er mykje i bruk. Planen er å byggje ny og større verkstad, men ikkje i 2011...

Tilslutt eit lite bilete av ho me brukar mest tid på om dagen! Ho veks og trivst som berre det, og er rett og slett solstråla på "Hæujen".

Ønskjer deg og dine ei strålande helg!

Klem,

Sjova

Odelsjenta har kome!

2011-06-29T11:43:00.000-07:00

3. juni kom dette vidunderet til verda!

Wilhelmine heiter ho, vog 3615 g og var 54 cm lang- og er ikkje mindre enn perfekt!

Livet på garden er snudd opp-ned, men du verda så godt.

Me nyt gode dagar saman, og sjølv om Sjaven har pågåande prosjekt på fasaden av huset, har me alle inntatt kvilemodus.

Om ho er ei odelsjente eller ikkje, uansett håpar og trur me at jenta kons skal få ein god oppvekst på bruket.

Pappa`n har, med jordmor som vitne, allereie lova Wilhelmine hest, så meir liv er i vente på garden! Berre ikkje riktig enno...

Ljos i heimen

2011-05-22T13:23:00.000-07:00

sandbergab.se

Det går sakte, men sikkert framover med stova kons i andre etasje, og i tillegg til malt faspanel skal ein vegg få tapet. Denne frå Sandberg trur eg vil bringe ljos og sommarkjensle inn i heimen kons året rundt.

Som nemnt tidlegare er eg svak for raude fargar, men pr. dags dato er ikkje det lett å sjå i interiøret.

Men med denne tapeten og ein gamal, raud og sjarmerande skuvseng frå stabburet, kjem det til å bli forandring.

Forandringar på andre vis ventar au. 12 dagar til termin, og snart har me ei dotter!

Det er ikkje til å fatte...

Ha ei velsigna veke, kjære medbloggar!

Sjova

Med flagget til topps

2011-05-09T11:55:00.000-07:00

Sjova har fått ei ny arbeidsoppgåve på garden, nemleg å vere flaggansvarleg!Og oppgåva er både sjølvalt og meir enn velkomen.Flaggstong har eg ønskja meg i lange tider, og for bursdagspengane eg fekk i 30års gåve i fjor haust kjøpt eg nettopp det. Og i påska kom ho opp:-)

Det har virka som ei heil æve at flaggstonga har liggi slik innpakka i hagen, og då snoen forsvann og vårsola kom, vakna flagg-hjarte mitt for alvor til liv att. Men når ein har x-antal oppussingsprosjekt på gong, og i tillegg snart skal bli foreldre, er ikkje oppsetting av flaggstong det fyrste ein prioriterar...

Då er det godt å ha ein snill pappa! Som på eige initiativ tilbød seg å hjelpe med å få flaggstonga opp, og som tok på seg arbeidet med å grave djupt, djupt for god fundamentering. Du skjønar kanskje kven eg har arva flagg- entusiasmen frå?!

Her kan det kome så mykje vind det berre vil, denne flaggstonga blir ståande!

Eit gamalt småbruk må jo berre ha ei flaggstong, er mi meining, og eg blir like lukkeleg kvar gong vinden tek eit lite tak i vimpelen. Med eitt blei tunet kons heilt, og kva er vel finare enn eit flagg i vinden mot høge fjell, gamle gardsbygningar og grøne jorde?

1.påskedag kl 08.00 nærmast løp eg ut og heiste flagget for fyrste gong. Morgonsola skein, og dagen var stille- og flagghjarte mitt banka som aldri før.
No er det 17.mai neste. Gjett om eg gledar meg!

Termin nærmar seg med stormskritt, og eg takkar for mange gode råd i ventetida!
Eit av dei eg har bruka mest kom frå Kirsi som råda meg mellom anna til å bake:-)
Finnes ikkje betre avkopling enn å lage mat, og når Sjaven i tillegg er ein kakemons av dimensjonar, har dette vore ein vinn- vinn situasjon her i huset den siste tida.
Så kjære Kirsi, om du sender meg adressa di på e-posten min, kjem det ei lita helsing i posten!
(Kjem ikkje inn på bloggen din...)

Vårklem frå
Sjova

Ein heim blir verkeleg til!

2011-04-04T04:10:00.000-07:00

Over fleire år har me rivi, bygd, pussa, sparkla og måla for å skape ein forlatt og sliten gard om til å bli nettopp heimen kons, med alt kva det inneber. Og endringane er store! Møblar, form, fargar og gjenstandar som me likar, som betyr noko spesielt for kon får fylle og forme huset meir og meir. Men kva er vel ein heim utan dei som bur der?

Me to har hatt mange gode år ilag, og gledar kon veldig over å byggje ein heim saman. Samstundes har ønskje om å byggje ein familie i heimen alltid vore stort og no, etter mange år har underet skjedd! Om 8 veker bur det ikkje berre to, men tre dyrebare menneske her på bruket. Og som me gledar kon!

Kommoden som no prydar det blivande barnerommet kunne tidlegare sjå ut som eit umogleg prosjekt for mange, men har etter x-antal liter såpevatn, trerens, kvitolje, nokre spiker og eit heimesydd forheng blitt det sjarmerande møbelet Sjova visste det ville bli.Herleg slitt og med fine detaljar, akkurat slik me likar det!

At kommoden mangla to skuffar, er altså ikkje eit hinder for bruk. Inni står to korger til diverse oppbevaring, og er vel kanskje enda meir barnevennleg enn store, tunge treskuffar for små barneføter.

Dei fyrste to bamsane ventar oppå kommoden, og bilete med barnemotiv kom etter mange år endeleg til sin rett. Fuglane talar om vår og nytt liv, og hengaren på veggen ventar på eit heimesydd plagg... Berre vente og sjå om eg skal sy bukse eller kjole:-)

Kommoden si bønn om å få nytt liv, å kunne oppbevare og verne slik som han var tiltenkt er blitt høyrt, akkurat som kons...

Gode råd av alle slag for mine siste vekene før termin tas imot med takk, og beste rådgjevar får ein herleg premie i posten!

Ha ein strålande måndag!

Klem frå

Sjova

Stova tek form og farge

2011-02-19T10:18:00.000-08:00

Fargeval er vanskeleg! Eg har det med å sjå for meg ein farge inni hovudet, men å finne AKKURAT den i havet av fargekart er ikkje like enkelt. Små boksar med fargeprøver er forbruksvare her i heimen, og dei har spart meg for mange bomkjøp når det gjeld måling! Veggen du kan sjå litt av her( fargen er mørkare live) blei vel prøvemåla 3-4 gongen før me blei nøgd, og ikkje overraskande enda me opp med ein jordfarge, ganske lik den på kjøkenet, men med meir brunt i. Det blir etterkvart ope løysing mellom stova nede og kjøkenet, så eit poeng med mjuke overgangar:-)

Sjaven er snart ferdig med å legge panel i stova i andre etasje, og fargen blir den same, som forøvrig heiter teblad. Har ein fiks ide om at fargenamna på eit eller anna vis må passe til rommet fargen skal vere i, og drikke te i stova kjem me nok til å gjere fleire enn ein gong:-) Den originale panelen i stova nede er ein smal faspanel, same som me har lagt på kjøkenet. Då me uansett må rive dei eksisterande veggane for isolering og romendring, gjekk me for hakket breiare faspanel oppe og nede; det gjev eit litt rolegare rom,me beheld den gamle looken, pluss at det går hakket raskare å legge han! Me skal vidare kle inn bjelkane og måle taket kvitt, legge kvite lister og ljose furugolv- SNART!

Den nye trappa kons endar opp her, og planen er å tapetsere veggen midt imot. Opphaveleg hadde ikkje huset kons vindauge her, og heile huset led under det. Etter at me sette inn det triple vindauget, fekk fasaden endeleg harmoni, og ikkje minst fløymde ljoset inn! Eit stormønstrete tapet med kvit botnfarge, og detaljar av sort og jordfargar er det eg leitar etter, men trur du det er lett?! Tips er kjærkomne!

Den gamle dynna har me fått byta til kon frå ein mildt sagt ivrig samlar i Kragerø, og har perfekte mål for kon som er så høge! Alle dei originale dynnane i huset er for låge, og irritasjon over det har overgått sjarmen ved dei...Målinga er visst forsøkt fjerna, men heldigvis sit mange av fargane att og gjev dynna liv. Ho er allereie sett inn mot kontoret, men har her fått seg ein overhaling då ho seig saman slik at me ikkje fekk ho att! Ikkje noko tvil om at gamalt er meir jobb! Men heldigvis også meir sjarm:-)

Tilslutt litt vår på kjøkenbodet. Perleblomar i gamal kasse, blå emaljera kanne frå loppis i Danmark og eit lite utval av alle messingstakane mine- love them:-)

Ha ein strålande helg, og takk for alle hyggelege kommentarar!

Status hjå svoger: Låven skin som gull og er blitt kjemisk reinska for rot, skog er allereie på veg ned, og huset står som før, berre vaska og med nokre nye gardiner og møblar. Prioritert som berre ein 18åring kan:-)

Fortsetting fylgjer!

Klem frå Sjova

Nytt liv på gamal gard

2011-02-07T13:22:00.000-08:00

Eg har ein svoger litt utanom det vanlege. Han er berre 18 år, men har energi og arbeidslyst som to vaksne menn. Seint og tidleg jobbar han med ved, brøytar, køyrer gravemaskin og alt anna med motor, eller skruvar på ei eller anna maskin i tillegg til lærlingjobben sin. Og no har han kjøpt seg gard!

Ein utruleg sjarmerande plass beståande av ei gamal tømre og eit fjos. Det har ikkje budd folk på plassen på årevis, men eigarane har verkeleg halde bruket vedlike. Garden ligg høgt og har ein fantastisk utsikt, berre skogen kjem ned:-) Og kjenner eg svoger rett, blir ikkje det noko problem!

Huset er lite, to rom oppe og nede, men med mykje sjarmerande potensiale. Planen er vel å pusse det opp i gamal stil, kan hende få fram den gamle tømra ,og svigerinne pluss mor er reint dårlege på hjelpe til i den prosessen:-) Det meste av inventar var desverre borte då svoger overtok, og i hjørnet har det nok hengt eit sjarmerande kråskåp eingong.

Den gamle peisen kjem det nok liv i etterkvart! Utruleg å tenkje på at den vesle stova romma fleire familiar i si tid. Tenk på alle dei kalde vinterkveldane dei har sitte framom nettopp denne grua. Mon tru kva dei prata om?

Glad i fargar var dei iallafall! Det mildt sagt solgule kjøkenet har faspanel og fleire skjønne, heimesnekra benkar som denne. Pyntehandkle og kaffekvern må nok opp på veggen her for å fullende stilen, eller kva?

Eit gamalt mjølkespann pyntar no opp trammen og fotspora vitnar om at det på ny er liv på garden. Med heile livet framom seg og mykje pågangsmot veit eg svoger vil få denne plassen til å skine som aldri før.

Me gledar kon stort over ein ny heim som blir til, og det beste er jo at garden berre ligg i gangavstand frå kon:-)

Blir du ikkje glad over at det finst ungdom som ønskjer å busette seg på landet, og som på ny tenner ljos i vindauga på dei alt for mange tomme gardane i landet kons?!

Eg syntes det er fantastisk!

Klem, Sjova

Tips til val av symaskin??

2011-02-06T05:40:00.000-08:00

I lange tider har denne gule, nydelege symaskina vore min faste følgjesven i alt eg har sydd. Så då det plutseleg gjekk opp for meg at maskina aldri har vore mi, og mor mi trong han tilbake då hennar urgamle maskin hadde gått dukken, blei sjokket stort!

Kva gjer eg no?!

Då eg korkje kan strikke, hekle eller brodere til vår etterlengta baby er planen å sy litt, men

det hjelper lite at den gamle Singeren er aldri vakker når han ikkje virkar!

Så kva type symaskin har du,og kva vil du anbefale?

Eg treng råd!

Kjøkenet kons i Lev Landlig!

2011-02-05T08:58:00.000-08:00

http://www.facebook.com/pages/Lev-Landlig/437414615314

Eg elskar bladet Lev Landlig, og i denne utgåva er det ein aldri så liten reportasje frå nettopp heimen kons. Det er moro:-)

Vår alles kjære Livs Lyst har laga reportasjen, og på bloggen hennar ligg fleire bilete frå kjøkenet;-)

(Som forøvrig gjekk føre seg med ein meget kvalm og nygravid Janne som IKKJE hadde orka mykje styling av korkje seg sjølv eller heimen- godt Liv var i farta;-)

No skal kylling og potetar i ovnen, og me gledar kon til besøk av gode vener!

Nyt laurdagskvelden.

Klem frå

Sjova

Stairway from heaven!

2011-01-09T02:49:00.000-08:00

I god tid før jola slo til for fullt, kom den etterlengta trappa kons på plass, noko få hadde trudd!

Laaaang leveringstid blei som eit under korta ned til ei lita veke, og Sjaven sette opp trappa som om han aldri hadde gjort anna;-) Ho er verkeleg eit smykke av ei trapp, og det er ein draum å ikkje lenger klatre opp og ned i ein stige!

Ho blei levera "flatpakka" for å seie det sånn, og i den ubruka delen av stova blei trappa sett saman. I utgangspunktet hadde Sjaven planar om å byggje trappa sjølv, men for å spare tid og arbeid, teikna han trappa ned til minste detalj og fekk ho i delar frå den lokale trappesnekkaren. Ved å måle trappa sjølv, samt sette ho opp, spara me også mykje pengar.

Det var rett og slett ein liten kabal å få alle delane til å nøyaktig passe i hop, men for ein ihuga lego-gut gjekk det greit. Å konstruere ei godtfungerande, og samstundes estetisk fin trapp er ikkje berre berre; spesielt når trappa skal setjast opp der det aldri før har vore trapp, men Sjaven har gjort ein fantastisk innsats. At ho blei kvit, og fekk ljose trinn som tregolva kons var dei viktigaste punkta på mi trappe-liste. Sjaven sin har vore betydeleg lenger...

Bjørketrinn blei eit solid og godt val, og ved å kvitolje dei, er dei blitt ekstra fine. Profileringa på vangen har Sjaven fresa ut sjølv, noko som lyfte trappa mange hakk. Han har auge for detaljar, den mannen!

Dei fyrste to trinna er litt amerikansk-inspirert, og dannar ein mjuk start på trappa. Gelender med dreia stolpar kjem opp etterkvart, men har de tips til gode leverandørar eller private som leverar litt utanom det ordinære utvalet?! Utfordring å finne noko me likar...

Vidare prosjekt er å isolere ferdig trappeoppgangen og stova oppe, legge det elektriske og panel i tak og på veggar. Blir me ferdig til påske, tru? Uansett ligg panelen klar til måling og den antikke ljosekrona me skal ha i himlinga er for lengst kjøpt inn...så det er berre å ta tida til hjelp:-)

Ha ein strålande vintersundag!

Sjova

Jolebrau

2010-11-23T06:19:00.000-08:00

Eg er i eit utruleg jolemodus for tida, og kan ikkje hugse at eg nokon gong har gleda meg så mykje til jol!

Og halve moroa med jol er alle førebuingane.

På bakefronten er berre peparkakehuset ferdig, men i dag sette eg igong med å bake brau(= flatbrød)

Eg har alltid elska å lage mat, men då eg for nokre år sidan studera tradisjonsmat ved Høgskulen i Rauland opna ei ny verd seg for meg! Vi har ein fantastisk mattradisjon i dette landet som må fram frå støvet att. Kan vi la hurtigmat og alle verdas smakar utslette det reine og genuint norske? Eg er langt frå nokon fanatikar i matvegen, og slår heller eit slag for både-og, istadenfor anten- eller. Men til jol er det ekstra stas med mat frå botn...

Før i tida reiste eigne bakstekjerringar rundt på gardane og baka opp haugar med brau som husfolket skulle overleve på i fleire månader. Då kvenna kom, fann ein ut at det var betre å bake brau enn å lagre mjølet då det raskt kom utøy i det. Brau åt dei til alle måltid, og om det var dårleg stell elles var dei aldri HEILT matlause om dei hadde brau på buret.

Eg hadde ikkje sagt nei takk om ei ekte bakstekjerring hadde kome på dynna her, for det skal seiast at å kjevle brau er ein kunst. Det heitte at dei skulle vere å tynne at ein kunne sjå både sol og måne gjennom dei, men læring gjer meister, og om ikkje anna kan ein skimte ljos gjennom mine:-)

Brau skal langsteikast for å bli skikkeleg sprøtt, og blir det lagra mørkt og tørt kan det halde seg i lange tider.

Baktsefløyane eg brukar fann eg på stabburet kons etter at vi overtok garden. Dei er rett og slett perfekte i storleik og utforming, og ekte heimelaga. Tenk på alle brau- og klingleivane dei har frakta frå bakstebord til takke!Det er godt å føre den tradisjonen vidare.

Vatn og mjøl, meir skal ikkje til for å lage herleg brau. Så enkelt og samstundes så godt. Ein kan variere med uike mjølsortar, og tilsetting som potet og mjølk, eller ta han heilt ut med urter og krydder. Sjølv går eg for det enkle, reine som passar til alt. I dag baka eg såkalla festbrau, med berre kveitemjøl, noko som passar fint til jolehøgtida.

Det meste er godt til brau, og idag smaka Vossafår med lettmajones fortreffeleg!No spørs det berre om stabelen får stå i fred heilt fram til jol...

Uansett- bak brau du og!

Sjova

Vinteridyll

2010-11-20T10:23:00.000-08:00

Eg skjønar rett og slett ikkje kor tida blir av, og overgang sommer-vinter har såvidt gått opp for meg!

Men med strålande sol, isblå himmel og kvit sno som gjev alt ikring seg ljos, ønskjer eg vinteren velkomen.

Kven treng vel interiørbutikkar for å finne stæsj til utedekorasjonane når ein har slik vakker natur fullstappa av godbitar?

Isdekte nyper som skinte i vintersola MÅTTE bli med heim!

Granbar er eit "must" heime hjå kon kvar vinter. Eg dekker beda med det, fyller kasser og krukker og legg det som matte framfor inngangsdynna. Blir rett og slett glad av det herlege grøne mot alt det kvite. Og så luktar det jo så godt!

Vinter- og jolepynta stabburstrapp!

Og apropos trapp: Sjaven er i full gang med preparering og montering av den nye trappa kons, og eit hengarlass med panel blei idag kjøpt inn til dei nye stovene kons. Så no er det måling og innearbeid for fullt fram mot jol, men turar ut i vinterlufta er au høgt prioritert:-)

Nyt vinterdagane

Sjova

Eventyret om det raude taket

2010-09-11T14:58:00.000-07:00

Etter MYKJE arbeid kan Sjaven unne seg ei velfortent pause med engelske møbelsnekkarblad og Solo( dog ved eit alfor lågt bord!) Taket er ferdig lagt, og me kan ikke anna enn å seie kon svært nøgd med resultatet. Eller kva syntes de?!

Det nye taket har til og med fått sitt eiget eventyr

Det var ein gong eit lekk og mindre pent platetak...

Under desse platene skjulte det seg eit meir eller mindre råtna trotak, og i same stund dette blei avslørt byrja jakta på eit nytt og betre tak.

Det gamle taket hadde aldri lika å stikke seg ut, men det nye taket skulle få meir enn nok plass til å syne seg fram, og gamle utstikk blei forlenga og gjort klare til taket sin ankomst.

For Sjaven var det viktig at det nye taket skulle halde seg tørt og i godt humør, og beskytta det med papp.

Og iløpet av den regnfulle sommaren 2010 fekk taket og alle erfare at pappen fungera!

Det gamle taket og dei dåverande vindauga passa godt i hop, men då nye auge blei sett inn i huset var det mest som platetaket protestera- Ikkje tal om at dei vindauga skal få opne seg opp, sa taket og lot dei aldri stå meir enn på glytt. Etter ein møysommeleg lekteprosess fekk iallefall Sjaven eliminera mogleg konflikt med vindauga og det nye taket.

Lenge hadde Sjaven og Sjova drøymd om eit tak med farge. Då bæringa i det gamle huset nekta å halde tegelstein oppe, såg det ut som om draumen om farga tak forsvann. Men allerede i butikken fann dei eit raudt tak som lova at det ville gje ljos og varme sjølv på den mørkaste plass, og frå dag ein holdt taket sin lovnad. Det store fjellet blei plutseleg ikkje så mørkt lenger, og det vesle, kvite huset var det ikkje lenger like lett å oversjå.

Den raude dynna kom til garden lenge før nokon hadde tenkt på å finne nytt tak, og hadde i lang tid hatt jobben som fargeklatt. Men sjølv om ikkje hudfarga til det nye taket var heilt lik og dei to no skulle dele på inspirasjonsarbeidet, blei tak og dynn riktig så gode vener likevel. Og om ikkje det raude taket er blitt lekk enno, så ligg det der den dag i dag.

Og snipp, snapp, snute, så er eventyret ute. Iallefall eventyret om det raude taket.

Følg med, for snart kjem eventyret om dei nye takrennene, om dynnelistene, om den nye pipehatten og mange, mange fleir:-)

Sjova

Ikkje berre for mannfolk!

2010-08-16T13:09:00.000-07:00

Nyleg har eg funne ut at betong ikkje berre er for mannfolk! Rett og slett litt skummelt har det vore, å skjere hol på ein slik stor, tung sekk og setje igang blandinga. Men det visa seg at det fantest mindre sekkar au, og eg trong slettes ikkje bruke den orange blandaren til Sjaven. Ein drill med visp funka lenge.

Rett utanfor dynna laga eg ein liten haug med sand Oppå la eg eit rabarbra-blad, og klæsja på betongblandinga.

Eg la eit blad oppå au, og så fekk haugen ligge i fred og ro til dagen etter.

Isboksar kan brukast til så mangt! Restane av betongmassa hamna her, med blad-dekor på toppen.

Voila! Fatet blei herleg rustikk med grove kantar og tydeleg mønster. Ikkje perfekt, men akkurat så bra at eg er full av nye idear til nye betong-prosjekt. Er jo så mykje spennande ein kan lage!

Isboks-formane blei til sjarmerande tråkkheller over graset til stabburet. Skjønt, dei passar nok barneføtar betre, men inntil vidare får dei ligge som små kunstverk i det grøne graset.

Min gode ven og kreative sjel Åsbjørg Moland har mykje spennande å lære bort når det gjeld støyping i betong, og helga 27.- 28. august held ho kurs på Notodden i regi av Notodden og Seljord hagelag.

Kan du, så meld deg på!

Og kan du ikkje;sett igang heime. Betong er gøy. Til og med for kvinnfolk!

Sjova

Hjelp! Ein svenske i huset

2010-08-08T15:24:00.000-07:00

Nei, dette er ikkje eit bilete av blomane i stova på Hæujen.

Så langt derifrå! Iløpet av den lille "Utforsk den svenske vestkyst-ferien" kons, fekk me høyre om eit aldri så lite Pelargonium museum, og drog dit.Samlinga på over 500 forskjellige slag Pelargonium fann me i eit heller kaotisk gartneri, og sjølve presentasjonen av dette store utvalet blomar var, for å sei det fint, interessant! Men nok om det...

Variasjonane og fargane på desse sjarmerande blomane ville fått einkvar bestemor eller nostalgisk bloggar til å gå i fistel. Skal innrømme at eg blei ein liten smule ivrig sjølv, og hadde eg hatt moglegheit, ville eg kjøpt blomar til å fylle kvar einaste karm i heile huset kons.

Morfar hadde jo vore så fin å pynta opp stovevindauge med.

Eller kva med Farmor og ein mørk Elin på soverommet?

Ein aldri så liten Mårbacka blei likevel einaste blom i baggasjen.

Sart og dempa rosafarge passar ypperleg i kjøkenvindauget på Hæujen, men kvifor tørkar han??

Mangel på svensk luft?

Og kvifor gulnar han?Sjuk av lengsel etter moderlandet?
Eg steller både tidleg og seint for han, men han syner alle teikn på vantrivsel.
Kvifor?

Trass skjønn bok om min svenske ven og familien hans, er eg like rådlaus og gjesten meir deprimert enn nokon gong.

Så kjære bloggvener: Korleis får du norske og svenske gjestar til å trivast?!

Ikkje lenge før han reiser no...

Sjova

Mykje arbeid, og mykje kos

2010-08-01T13:51:00.000-07:00

Sjølv om lista over gjeremål her på bruket framleis er laaang, gjeng me ikkje av vegen for litt kos.

Å sove middagskvil i hengjekøya bak stabburet er rett og slett terapi, og den beste staden for avkjøling etter varme arbeidsdagar.

Her ligg Sjova og kviler:-) Køya kjem faktisk frå Bolivia, og er ,trass falming, utruleg solid og god. Epletreet hengekøya er festa i, har forresten verdas minste, men søtaste eple og planen er å prøve å pode det. Nokon som har erfaring med det??

Uansett er treet ein fryd for auge der ein ligg og gynges i svevn.

Andre som både gjev kon og sjølv tek seg mykje tid til kos, er hønene kons. Berre å sitje og sjå på dei er ei oppleving der dei trippar rundt-13 høner og ein hane.

Sjaven byrjar på jobb imorgo, og Sjova har nokre få dagar att av ferien. Med andre ord- desto viktigare å prioritere avslapning og kos i tida framover kor jobb tek opp det meste av dagane!

Hengekøya er står iallefall klar:-)

Ha ein strålande god veke!

Sjova

Ferietips på tampen

2010-07-24T15:31:00.000-07:00

Om du har ein aldri så liten feriedag att denne sommaren, syntes eg du burde besøke Bø Museum, her i Telemark. Eit fantastisk sveitserhus med landhandel og boligdel står slik det ein gong blei forlatt, og ved å gå inn i det, er ein plutselig i ei anna verd. Fantastisk!

Fargane er herleg annleis enn alt det kvite i dagens motebilete, og eg kunne glatt tatt rubbel og bit av interiøret med meg heim.

Smør med deg ein god nistekorg om du fyrst tek turen, og nyt maten i historiske omgjevnadar på Kvennøya i gangavstand frå museet. Her finn du ein husmannsplass med stove, fjos, badstove og smie, og naturen rundt er rett og slett magisk.

Bø Museum er altså verd besøket om du har eit nostalgisk hjarte:-)

No står fagre Vestlandet for tur, og me nyyyt ferien kons.

Alt godt frå

Sjova

Siste nytt frå "Hæujen"

2010-07-15T12:46:00.000-07:00

Om du trudde me hadde tatt kvelden for godt, kan eg berre avkrefte det med ein gong:-)

Her på garden har livet og arbeidet gått sin gong, men akkurat no er det ferietid. Sjaven har jobba hardt denne våren og det nærmar seg meir enn nokon gong nytt tak!

Store delar av trotaket er bytta og alle utstikka( eller kva dei no heiter)er skøyta og forlenga slik at taket kjem til å stikke noko lenger ut enn tidlegare. Utruleg kva ei slik lita endring har å seie for huset sin harmoni.

Tegelstein stod høgast på ønskjelista kons, men litt sig i takkonstruksjonen eliminera det valet, og me enda opp med Decraplater i tegelfarge som det beste alternativet- gledar meg!

Eit grasdekt gardstun er ein draum for mange, men eit mareritt for kon som bur midt i det.

Kvar vår og haust har tunet vore ein einaste søyledam og me har måtta sperra av heile området til vårsol eller tæle atter gjorde det framkommeleg. No er endeleg dei dagar forbi!

Lillebror og svoger har gravd opp tunet, me har fylt på med x- antal lass pukk og no køyrd utover mykje grus.

Eit heilt nytt tun! Eg er skikkeleg nøgd med grusen som blir ljosare enn på bilete etterkvart som regnet vaskar bort subbusen. Under eika har eg sådd gras, og her skal me sette opp langbord og benkar til sommarmåltid i skuggen:-)

Eg er blitt meir og meir glad i naturstein, og me lagar no veg fram til inngangsdynna av desse. Dei er tunge, og det er eit skikkeleg puslespel før det "stemmer", men dei kjem til å lyfte inngangspartiet fleire hakk. Berre eg blir ferdig...

Men no gidd eg ikkje tenkje på det! Det er ferie, og me treng å hente nye krefter og energi til arbeidet som ligg framom.

Ønskjer deg ei strålande sommartid vidare:-)

Klem frå

Sjova

God natt!

2010-04-12T10:40:00.000-07:00

No har Sjaven og Sjova budd i høgda i fleire veker, og det nye soverommet er som ein oase av fred og kvile midt oppi all oppussinga.

Bli med inn då vel!

Spegel frå Finn.no og korg til ekstra puter og pledd har fått plass i eit hjørne. Tips: Korga er frå Jula og på tilbud desse dagane.

Sjaven har bygd skåp på den eine veggen og istaden for hyller har han laga skuffer som går på skinner. Dei er superstødige pluss praktiske for ei som ikkje er så flink på tellekantar;-)

Spottane gjev godt ljos inn i skåpet og istaden for dynnar blei det gardiner.

Stolen er eit av mor mi sine loppisfunn og etter mange år som både raud og blå fekk eg overta stolen og setje mitt preg på han. Eg MÅ ha avskalla måling og slitte overflatar mot alt det nye.

Puta har oldemor mi sauma av gamle mjølsekkar.

I taket heng ei ljosekrone med mykje historie. Etter at ho falt i golvet og fekk øydelagt fleire delar er kreative metodar tatt i bruk for å fikse ho. Som glasskåla som er skrudd fast på undersida og prismer frå her og der.

Framleis manglas ein mansjett så lampa heng litt på skeiva, men kva gjer vel det?

Eg har leita land og strand rundt for å finne eit stoff til gardin som kunne passe tapetet, og kor trur de eg fann det?! Jaudå, 5 minutar frå heimen! Til halv pris. Berre tull det folk seier at ein må til byen for å handle:-)

Me er supernøgd med det nye rommet etter år bak forheng i stova. Her er det verkeleg KOS, og det treng me midt oppi alle prosjekta som blomstrar fram samstundes som det vårast ute.

Me skal heve og bytte taket på huset iløpet av sommaren, setje inn trippelvindauge i stova, grave og legge grus pluss stein på tunet, måle og gjere ferdig alt av listverk utvendig på huset...og mykje meir.

Pluss litt ferie og nokre bryllaup:-)

Takk Gud for masse energi!

Nyt sola og KOS deg!

Klem frå Sjova

Her et me!

2010-03-06T09:00:00.000-08:00

Sleng med et par bilete frå der me et eg!

Bondemøblar frå Lom- smijernskrone og kråskåp med kokebøkar.

Krullete laken på bordet og div. loppisfunn. Litt godis til gjestar (og husfolk) må alltid stå framme- no er det turka kikerter som gjeld:-)

Å ete er berre ein brøkdel av det som skjer rundt langbordet- her er verkeleg husets hjarte!

God laurdag vidare!

Sjova

Luftetur

2010-03-02T10:36:00.000-08:00

Det er verkeleg vår i lufta og fuglane tittar fram både ute og inne her på Hæujen:-) Desse to kjem opphaveleg frå Nille men landa så fint i det lille reiret eg hadde laga klart.

Og dei må berre bli buande!

Ein annan fugl som akkurat har landa er Sjova sjølv. Eg har vore på ein aldri så liten luftetur til Gøteborg

og eg har kosa meg stooooort!

Nemner i fleng( i prioritera rekkefylgje):

Skravla- ledd og hatt det mysigt med ei god venninne.

Vore i den eine herlege bruktbutikken etter den andre.

Dansa til Angie Stone sin fengjande musikk på konsert i Tradgården.

Ete sushi( og godis!)

Pluss pluss pluss

Ja- i det heile var turen rett og slett ei gåve!

Eg er elendig til å ta bilete på tur men har foreviga litt av det eg kom heim med. Desse nydelege koppehandkleda er å få overalt i Sverige til ein latterleg sum. Skjønne initialar er brodera med stø hand og no prydar nokre av dei kjøkenet kons.

Herleg eller kva?! Gangen kons er eit av dei neste prosjekta her og flisar med mønster har me vore samd om sidan dag ein. Marrakech design i Gøteborg har rett og slett eit supert utval til ein god pris.

Tok med to prøveflisar- den raude er NESTEN bankers til gangen.

Blir du ikkje glad av å sjå på han?!

Eg vil at folk skal bli glade så fort dei opnar dynni kons!

Same mønster men heilt klart rolegare og meir nøytral. Badet me skal ha i påbygget kons får nok desse på golvet. Sjå føre deg badekar med løveføtar og prismekrone i taket...

Gledare meg vilt!

Eg kjøpte også verdas finaste ljosekrone- eller det vil sei at min gode ven Miriam kjøpte han etter eg drog og passar no på han til neste gong eg kjem!

Såg han i ein antikbutikk og klara ikkje gløyme han...

Var akkurat slik eg ønskja og veit presis kor han skal bu.

Tusen takk Miriam!Eg kjem snart att:-)

Sjova

Det gjeng seg til

2010-02-28T04:48:00.000-08:00

Sjaven og eg var litt usikre på kva me skulle gjere med golvet på soverommet

men enda opp med å olje det.

( Fekk nokre gode råd av dykk au-takk!)

Og me angrar ikkje- blei veldig bra!

Olja var enkel å dra utover og det overflødige tørka eg lett bort etter nokre minutar.

Tydelege skilnad! Dei andre furugolva i huset har me luta og vaska med kvitsåpe. Utsjånaden på det her blei ikkje ulikt men mykje jamnare.

Naturleg skal det vere! Kan verkeleg anbefale den olja her og ho er å få i mange nyansar.

Lukta hugsar eg frå eg var lita men klarar enno ikkje å minnast kva for ei hending ho er knytt til...

Så oljejobben blei BÅDE lett og full av mimring:-)

Alle lister er på plass- no ventar me berre på elektrikaren!

(Skal seiast at det er Sjaven sjølv men hektiske dagar for desse handverkarane:-)

Blir slike kontaktar og brytarar. Enkle- litt nostalgiske og billege:-)

Så eit spørsmål på tampen:

Har de formeiningar om kva for nokre gardinstengar eg burde ha?!

Har kjøpt nokre transparente kvite gardiner og må ha noko ljostett i tillegg men kva for oppheng?

Har div. svarte variantar i andre rom men blir for hardt her...

Fargeval? Leverandør?

Tips? Ja takk!

Klem frå

Sjova

Award til deg og meg

2010-02-21T07:41:00.000-08:00

Eg har fått ein award frå Småenglenes verksted og det er superhyggeleg!

Tusen takk!

Blei utfordra på å sende han vidare til 15 andre men istaden vil eg gje awarden til alle dykk som likar heimen dykkar og trivst der- uansett stil!

Ein bloggar som deler av LIVET i heimen og ikkje berre fine gardinar tykkjer eg er vakkert.

Er det hjarterom der? Føler ein seg velkomen?Er det liv der?

Rart igrunn men sjølv gjennom ein blogg kan ein merke slikt...

Så her ein award til dykk alle!

Slenger på 7 ting om meg sjølv som svar på utfordring:-)

1. Sjova er eit kallenamn på alle gardskjerringar her på bygda.

Sjølvaste husfrua liksom:-) Eg heiter eigentleg Janne

2. Drøymer om å bli budeie på heiltid

3. Likar ikkje brunost men stort sett alt anna

4. Er 1.80 på strømpelesten

5. Ekspert på å finne salskupp

6. ELSKAR loppis og bruktbutikkar

7. Er lærar

Kanskje ikkje veldig interessant men er no eingong sanningar:-)

Riktig god sundag til deg og dine!

Sjova

Himmelske draumar

2010-02-16T14:30:00.000-08:00

Sjølv om ein held på med store prosjekt i huset er det viktig med litt pussleri au. Gjesterommet eller

Det Blå Rommet som me kallar det er byggteknisk ferdigstilt men eg har ikkje bruka særleg mykje energi på å innrede og dekorere det. Gløymer det liksom når me ikkje har trapp opp til andre etasje...

Ein sengehimmel og litt pynt er likevel på plass men sengegavl har mangla. Eg har vore på leit i lange tider etter ein gamal senge-ende i passeleg bredde til rammemadrassen og kor trur de eg fann han?!
Jau- SkrotTor hadde den perfekte:-)

Etter litt sparkel og kvitmåling blei han så god som ny.

Gavelen har akkurat passeleg med utskjeringar og ho transformera den kjedelege madrassen til ei riktig så staseleg gamal seng.
Elskar forresten dette Toile- sengetøyet frå Kid. Trur eg må kjøpe det i raudt til det nye soverommet...

Kjære vener og kjente- kom og drøym himmelske draumar her hjå kon!

Senga på Det Blå Rommet står klar:-)

Neste miniprosjekt blir kanskje bilet på dei tomme veggane?!

Uansett- ha gode dagar kjære du og tusen takk for alle herlege kommentarar:-)

Sjova

Tida det tek...

2010-02-06T14:59:00.000-08:00

...å lage eit rom er alltid lengre enn eg trur. Byrjar å bli nokre månadar sidan eg skrøyt av NESTEN ferdig soverom- og fyrst no er det verkeleg snart klart! Tjoho- gledar meg som ein unge til å innrede.

Over ser du taklist og dei "falske" bjelkane Sjaven har laga for betre takhøgde. Eit utruleg pirk- men så blir det også bra!

Brannmuren på rommet var rett og slett stygg! Er glad i slike gamle tegelsteinsmurar - men her var det berre å mure att. Ei ordentleg slitt og sjarmerande dynn må inn her etterkvart og- fram til då er kvit og ny berre lekkert.

I skrivande stund er vindauge-vegg og tak ferdig måla. Golvet er lagt og det som stend att før gardiner og møblar kjem inn er å oljebehandle golv- tapetsere høgre vegg- gjere ferdig det elektriske og byggje klesskåp.

Med andre ord SNART ferdig:-)

Er det forresten nokon som har erfaring med å tilsette fargepigment i olja til golv?!

Livet kons er berre så utruleg mykje meir enn husbygging. Av og til er det alt anna og då tek det tid å bli ferdig. Likevel er det slik me vil ha det- rett og slett livet undervegs.

Den her desserten er det iallefall lett å miste fokus av:-)

Sukkerlake med kanel- stjerneanis og nellikspiker over saftige appelsinbitar. Mmm...

Framleis god helg- og beklager alle- - - teikna! Kommatasten funkar ikkje:-(

Sjova

Kaotisk systematikar?

2010-02-02T10:43:00.000-08:00

Eller er eg systematisk kaotisk? Poenget er at eg elsker koppar og kar, bollar og fat, men dei opne hyllenen på kjøkenet er langt ifra noko utstillingsvindauge. Når sant skal seiast har ikkje hyllene direkte plaga meg; eg veit jo kor alt er og tinga gjev liv til rommet. Sjaven er derimot ikkje enig, og etter nok ein kommentar om kaoset i hyllene medan han demonstrativt fann ein plastkopp fordi han visstnok ikkje FANN NOKON TING, tok eg eit hint:-)

FØR

Mange fine ting- omtrent alt er loppiskjøp eller arvegods, men i eit salig kaos.

Kva gjer rosesukkeret der?! Og har eg eigentleg noko gong bruka den brune snurreplata?!

Steiketakka er ikkje særleg fotogen, men ho Må eg ha innan rekkevidde for lefse- og braubakst.

ETTER

Vonar du ser litt forskjell?!Skulle sikkert organisert etter fargar og storleik, men det får vere grenser;-)

Alt er ofte i bruk og det overflødige hamna i "bruktbutikken" på stabburet. Veit jo ikkje kva eg vil få bruk for før HEILE huset er ferdig, og ved behov for omskolering har eg allerede bruktsjappa mi klar; med varer!

Små kaffekoppar har det etterkvart blitt eindel av, og til kvardags får gjestene på Hæujen kvar sin med ymse form og dekor. Ingen blir forvirra på kor sin kopp er, og eg ( berre eg?) syntes det rett og slett er sjarmerande på bordet:-)

Og for å gjere det ekstra lett både for Sjaven og alle, hang eg dei opp!

Medan kaffien kokar er det berre å velje akkurat den du vil ha! Romantiske blomar?Minimalistisk kvit? Med teksten ONKEL eller MOR?

Det skal seiast at eindel karar på bygda berre drikk kaffi av krus, og det har me au eit salig utval av...inne i skåpet;-)

Noko petimeter kjem eg nok aldri til å bli, men det er jo lov å jobbe med seg sjølv:-) Og i mellomtida kan eg perfeksjonere skippertaksryddinga mi!

Klem,

Sjova

Dei små gledene

2010-01-31T13:26:00.000-08:00

Sei at du fekk bittelitt vårkjensle no?!

Eg blir iallefall glad av det gule, friske og kjenner at eg lengtar etter våren meir enn nokon gong.

Nytt liv. Ny energi. Sjølv går eg på sparebluss om dagen, og treng dei ljosstrålane eg kan få både frå sol, menneske og omgjevnadar.

Å snakke om gleda over dei små ting er mest blitt ein klisje, men ikkje mindre sant av den grunn. På mørke dagar skin jo små ljospunkt desto sterkare. Og vakre ting kan gje mykje glede.

Som små stilleben på kjøkenbordet.

Skjønne former og slitte overflater.

Friske blomar på stovebordet

Loppisfunn, loppisfunn, loppisfunn...

Ferske brød.

(Forresten lite som kan samanliknas med matglede her i garden:-)

Når ein bur slik som me gjer, med halvferdige rom og arbeid på alle kantar MÅ dei små gledene få rom i kvardagen. Altfor fort å tenkje SNART framfor HER OG NO!

Må me alle sjå det vakre og glede kon over det framfor å heile tida ønskje kon noko anna, noko meir!

Og me er vel alle enige om at gleda me får frå ting ikkje kan samanliknas med gleda frå venskap og gode relasjonar, eller kva:-)

He ein god måndag!

Sjova

Fyre med ved, fyre med ved

2010-01-10T08:38:00.000-08:00

Eg er så glad, så glad! Endeleg kan eg høyre knitring frå peisen, og kjenne den gode fyringsvarmen bre seg i huset som mjuke teppe. Me har fått kon vedomn!

Denne retro-omnen er no bytt ut med ein finfin peisomn som etter laaang leveringstid kom i grevens tid; rett før Herr Kulde sette inn støtet.

Som skrivi om i dette innlegget sette Sjaven og far hans lecarøyr i den gamle pipa i haust slik at me no trygt kan fyre i ho.

Sjaven måtte gjennom ein gamal og steinhard tegelvegg og lecarøyret før han fekk på plass røykrøyret til den nye omnen. Møysommeleg arbeid for Sjaven, mykje bråk og støv for Sjova;-)

Omnen er laga i massiv betong, og blei levera i tre deler forutan sjølve peisinnsatsen.

Me valde ei stor og ope dynn for mest mogleg "peis"-kjensle.

Omnen er laga for å målas, men den rå, grove betongenoverflata er utruleg sjarmerande og passar godt inn i stova.

Skal me gjere noko med omnen, blir det truleg å kle han med flis.

Mest som ein kakkelomn...

Han er høg og stor, men likevel akkurat passe.

Trekken er heilt super, og omnen blir varm på rekordtid.

Ein kopp kakao, ein blings og godstolen framfor flammene er himmel på jord no i sprengkulda.

Vedkorg i messing med løveføtar kjøpt på loppis kjem endeleg til nytte!

Gardskatta Filip er også glad i varmen frå omnen. Her kan han late seg heile dagar, sovande i stolen eller liggjande på golvet for å sjå inn i flammehavet.

Med andre ord gir den nye omnen varme og glede til både "folk og fe",

og det ønskjer eg deg au;

VARME og GLEDE i veka som kjem!

Klem frå Sjova

Kvitt nyttår!

2010-01-04T11:51:00.000-08:00

I sno og herleg vintersol er det umogleg å ikkje bli fylt av ny von og pågangsmot for vidare arbeid på det kjære småbruket kons. Korkje hus, låve eller stabbur er FOR nedslite og arbeidskrevjande i mine augo der dei ligg og badar i ljos og kvitt dekke. Og me har jo HEILE 2010 på kon...

Desse joledagane har vore fantastiske og sjølv om temperaturen var i lågaste laget, er ingen plass vakrare enn Hæujen kledd i kvitt. Alt ligg godt verna under snoen, og på eit vis er alle gjeremål berre sett på pause.Som pløyinga i jordepleåkeren...

Alle plankebitar, alt byggje-søppel og rot me ikkje rakk ryddje bort før snoen kom, ligg godt gjøymd lenge enno. Dyrelivet er derimot meir synleg enn nokon gong. Rådyr, elg, rev, katt, kanskje ei gaupe... Alle har dei tusla forbi med mjuke steg i det lause melisdrysset av ein sno.

Nokre av dei har tatt turen bortom epletreet kons på jakt etter litt jolesnacks. Treet planta me fyrste sommaren her på bruket, men neimen om det får vekse i fred.

Sjaven har tråkka seg veg til snekkerverkstaden sin fleire enn ein gong etter snoen kom;-)

I fjor sommar måla me låven, men ikkje heile. Me hadde rett og slett ikkje hjarte til å dekke det verbitte, solbrente treverket. Låvedøra har vore, og vil truleg forbli, sjarmerande mintgrøn.

Ein aldri så liten kunstinnstallasjon på tunet; litt sånn Jack og bønnestengelen...

Stigen er livsfarleg å klatre i, men herleg heimegjort ,og han ser ut som han alltid har stått der.

Rima rogneber pyntar opp ein bjørkekrans på bakdynna. Blei ikkje rare jolepyntinga her på staden i år, men eg seier som reklama; det enkle er ofte det beste!

Ved hovuddynna står eit lite bord eg er svært glad i. Ein lapskaus av farga dekker plata, og då eg spurde om å få kjøpe det på ei bruktmesse, trudde ikkje mannen eg meinte det! Han skulle berre leggje fram alle dei fantastiske(?) gamle bildelane sine på det. Ja, ja....

Rognebera heng framleis på treet ved låven, og friskar opp det elles så kvite landskapet.

Litt liv og fargar ser også eg fram til å gje huset kons det kommande året. Stove og gang står på tapetet; kan hende meir, og med det kvite,nye året liggjande som eit ubruka ark for føtenen kons kan eg ikkje anna enn å glede meg!

Godt nytt år til deg og dine.

Måtte det bringe deg alt kva hjarte ditt treng!

Klem, Sjova

Ein god stol

2009-12-07T03:26:00.000-08:00

Mormor har no flytt til liten leilighet, og huset ligg ute for sal. I opprydninga er mykje blitt kasta, men gamle skattar har og kome fram i ljoset, og med dei mange historiar. Som denne her:

Mormor og morfar var nyetablera, og i ei lita stove trong dei nette og små møbel. Riktignok hadde dei stolar, stor korgstolar, men dei tok for mykje plass og dei bestemde seg for å annonsere dei i lokalavisa.

Det var krigstider og mangel på det meste, så då ein viss avistilsett tok telefonen, kjøpte han dei usett på flekken og stolane kom aldri så langt som i ei annonse.

Frå morfar var ganske ung, laga han diverse møbel som han stabla opp på sykkelen sin, og tråkka den lange vegen frå øya han budde, til byen for å selje dei.

Så då hans kjære kone var stol- laus, sette han igang og laga to fine lenestolar i praktisk storleik. (det skal seiast at han laga ALT mormor trong, med stor fanasti og presisjon)

Det var heller ikkje stoff å oppdrive i butikkane, men oldemor hadde fine dukar, og ho ofra to av dei mest solide til stol-trekk! Den minste duken blei bakstykke, og resten fekk dekke fronten av stolane

Stoffa blei nøye festa med fine naglar. Å vere nøyaktig var ein dyd.

Stolane blei bruka til gangs, og idag; over 60 år seinare lev framleis den eine i beste velgåande. Mormor ønskja spesielt at eg skulle ha stolen, og det er eg meir enn lukkeleg for! Han er rett og slett nydeleg- fargane, forma og storleiken er perfekt, og stolen bringer mange gode minne inn i heimen kons.
Er jo nettopp ting med historie som skapar ein heim, og gleda over å få ta vare på dei er for meg stor!

Må og sei tusen, tusen takk for alle hyggelege kommentarar! De er verdas skjønnaste:-)
Må veka dykkar ha meir jolefred enn jolestress!

Klem frå
Sjova

Det jolast på Hæujen

2009-11-30T11:53:00.000-08:00

I helga har jolestemning vore i sentrum, med jolemarknad, jolesong og joleverkstad. Dei heilt store innkjøpa og kreative prosjekta blei det ikkje, men berre det å vere i lag gjev jolekjensle betre enn noko. Og skal ein ha huset fullt av folk er det utruleg kva ein får til av førebuingar!
Denne handbrodera kappa i tjukk ull er laga av oldemor mi, og ho passa jo perfekt som jolegardin.

Badet fekk ljose, lette gardiner saman med ei enkel liftgardin. Plutseleg blei heile rommet mykje større! Og litt pynt må til... Vindauga har eg spraya med frostlakk for å hindre innsyn. Borden er laga av mange hjarte klipt ut i tape, og tatt bort etter sprayinga.

Ein dag før snoen kom i skogen dukka desse raude tytebera fram frå tua, og dei fekk bli med heim. Tyteberlyng er fantastisk fin å lage kransar av. Ein herleg, nordisk erstattar for olivenkvisten, og han passar då mykje betre her på bruket, ikkje sant?

Mitt skjønne morfarskåp fekk, som tradisjonen er, også litt jolepynt. Svenske knekkebrød pyntet med grovt linband og litt tyteberlyng er akkurat passe sjarmerande og akkurat passe meg!

Sjaven fekk og fart på seg, og fiksa ljos i dei digge industrilampene kons på null komma niks. Lampene gjev eit perfekt arbeidsljos samstundes som eventuell rotete oppvask-kum forsvinn i skuggen av skinet frå dei.

Blir nesten litt forundra over kor glad ein kan bli over å få ljos i to lamper,

men ingen skal få kalle meg kravstor iallefall:-) Er vel desse gledane som gjev pågangsmot og arbeidslyst vidare...

Blomsterlauk i gamal kopp! Ei nydeleg vertinnegåve som eg sette så pris på. Koppen er handmåla i sarte blånyansar og no prydar blomen kjøkenet mitt og er verdast finaste jolepynt!

Me har altså ikkje tatt joleferie på Hæujen, me berre kosar kon i ventetida...

Ha ei fredfull og forventningsfull advent.

Klem frå

Sjova

Steg for steg

2009-11-21T16:02:00.000-08:00

Det e ikkje så altfor lenge sidan det her rommet såg slik ut, men no er det snart slutt på å bu i stova og sove innat trekkfull vegg:-)

Her er det Norsk Standar i isolering, og vel så det!

For lyd-ømtålege som meg er isolering mellom rom VIKTIG!

Det har heldigvis Sjaven skjøna; her vegg med gips.

Den grøne veggen er spon, og skal få tapet på seg etterkvart. Med tid og stunder skal me byggje på huset i den retningen, og gjer då veggen enklast mogleg fram til då.

Ikkje mykje heile bjelkar her, men dei Sjaven skal lage er ein fullgod erstatning.

He blir det skåp langs heile veggen- som berre blir mine! Sjaven har desse

å boltre seg i:-)

Litt av eit panel- og listeprosjekt dei taka kons,

men det er slik Sjaven vil ha det, og han gjer det så fint!

Me målar alltid skøytane på panelen før me set han opp for å sleppe gliper og for å sjå fargen i dagslys...Er i overkant mykje raudt i han, men passar til tapetet så blir vel ok sjølv om rosa soverom ikkje akkurat er draumen!

Panelen er oppe, både i tak og på vegg- så no stålset eg meg til målingslukt, stiv nakke, øm høgrearm og kvite flekkar i håret, men som eg gledar meg! Snart får me jo soverom!

Følg med vidare på korleis soverommet kons tek form.

God sundag og kviledag til deg og dine.

Sjova

Flaskeeventyr

2009-11-19T13:45:00.000-08:00

Det var ein gong ei mormor og ein morfar som skulle til utlandet for å kose seg etter travle og krevjande dagar. Vel om bord på ferja var dei i riktig så godt humør,og bestemde seg for å spandere noko ekstra godt på seg sjølve.

Morfaren gjekk i taxfree- butikken og kjøpte den stiligaste flaska han fann.

Tenk, vatn med kullsyre!

No skulle dei kose seg.

( at dei hadde andre flasker seier historia ingenting om)

Men dess lenger dei bevega seg vekk frå Noregs hamn, dess hardare blei veret, og kos blei rask bytt ut med sjøsyke, kvalme og alt for høge byljer.

Snipp, snapp, snute så er eventyret...heldigvis ikkje ute!

Veret roa seg, paret fekk ein fin tur, flaska blei med heimatt, og no står ho på mitt kjøken til stor glede for auge. Ho minner meg om livslangt ekteskap trass skiftande ver,men mest om dei dagar med blikkstille vatn og solskinn som var i klart fleirtal.

Må helga di vere fylt av godt ver og fredfulle relasjonar!

Sjova

Ei tid for alt

2009-11-16T12:50:00.000-08:00

Medan heimen kons sakte, men sikkert tek form og fyllast med ting, held mormora mi på å pakke ned eit heilt liv i eskar for å flytte inn i leilighet. Livet har verkeleg ei tid for alt, og naturlegvis er det mange minne som kjem fram, både for ho og kon andre.

Mormor har vore utruleg flink til å ta vare på hus og ting, noko eg får gleda av no. Stablar med herlege broderi,

dei vakraste putevar, mellomverk og dukar.

Eg kjenner eg rett og slett blir audmjuk i møte med slikt handarbeid!

Snippane bruka tippoldefar min, og han var etter sigende ein svært så staseleg mann med svart frakk og blendane skjortekrage. Trass i at han blei enkemann tidleg, var det ikkje noko å sei på bruk og stell av kleda.Vonar om eg får dei kvite att?

Denne fungera som ein god, gamal "systerhjelp" dei gamle i slekta hadde hengande over sengestolpen. Når dei skulle opp, drog dei seg etter snora. Praktisk, men likevel så utruleg vakker...

Mi oldemor døydde tidleg, og mormor vaks opp hjå tanta si. Ho var ein drivande god saumerske, og mykje av det eg har arva er laga av ho. Det her er nok eit av dei tidlege verka hennar. Kanskje ei skuleoppgåve?

Eit fantastisk mellomverk!

Desse tidlegare kvinnenen sette verkeleg si ære i fine heimar og vakkert handarbeid. Dei kunne sakene sine. Tida har endra seg, men å som eg ønskjer eg berre hadde ein brøkdel av denne kunnskapen...Og tolmodet!

Gledar over vakre ting har eg iallfall, i likskap med mormor og oldemor. Så sjølv om eg ikkje får rydda plass på timeplanen til å lære meir handarbeid, skal eg fylle heimen kons med desse vakre tekstilane og fryde meg over at eg får bringe dei vidare.

Det er ein tid for alt, og framover vil slektenes gang vere tema i

Ein heim blir til.

Bli med og del minne!

Sjova

Eit bad å vakne i

2009-11-01T07:13:00.000-08:00

Sjølv om det ikkje bloggast så ofte herfrå er det langt ifrå stillstand i bygginga av soverom! Likevel er det mykje i husbygging som tek tid, men som meist ikkje er synleg. Difor får de nokre detaljbilete frå det lille badet kons.

Me har lenge mangla hyller på badet så her ein dag tok eg saka i eigne hender. Gamle plankar kan som sagt brukast til ALT!

Billege hylleknektar gjorde susen,og dei passa bra mot dei verbitte plankane som tidlegare var ytterkledning på huset kons.

Herleg korg med vaskemiddel. Får ikkje nok av Durance sine produkt! Kan du tenkje deg noko betre enn lukt av lavendel i nyvaska sengetøy?

Noregsglas kan brukast til det meste, og her til vaskepulver.Ei lita metallmåleskei er praktisk og fin.

Ein krans av hønsenetting gjer nytte som øyrepynthaldar:-) Det skjøne skrinet har eg fått av mi beste venninne, og det huser andre smykke.

Under hyllene står ein standard IKEA-kommode som ein gong på vegen blei "ny". Litt grunning, raudmåling, pussepapir og sølvspray på messinghandtak gav han ny utsjånad.

Ein liten krakk må alle bad ha:-)Krakken var tidlegare raud, men dog i litt feil nyanse. Ein bit gåvepapir og lim gjorde derimot susen.

Elskar mosaikkgolvet me la over det gamle golvbelegget; utruleg praktisk og med litt "vill utsjånad":-)

Dusjnisja har Sjaven bygd sjølv, og eg leita lenge etter eit passande dusjforheng utan hell. Derimot kom Sjaven him self heim frå byene ein dag med det PERFEKTE; transparent, sort stoff med broderi mot sort plast. I love it!

Ja, eg elskar smykke og pynt:-) Og jo større kjede dess betre. Her får dei henge til pynt på ei av lampene. Spegelen er eit Fretexfunn med skjønn dekor, og i super storleik.

Badet kons er trekkfullt og skeivt, så nytt bad står på (det fullsette) programmet kons:-)Det har absolutt likevel sin sjarm, og vakne blir me iallefall no i desse kalde vintermorgonar!

Ønskjer deg og dine ei frisk og aktiv veke
i vinterland!

Sjova

Eg ser raudt!

2009-10-26T14:56:00.000-07:00

Favorittfargen til Sjova har alltid vore raud, men fram til no har ikkje den vore særleg synleg i huset. Det må det gjerast noko med! På soverommet.

Som nemnt tidlegare er me på bruket igong med å byggje soverom,
og etter mykje leiting har me endeleg funne eit tapet me likar! Sidan me skal utvide huset etterkvart blir løysinga billig, men fin tapet på ein vegg istaden for måla panel.

Nydeleg, gamalt broderi i glas og ramme til veggen.

Eit herleg sengeteppe som pr. dags dato ikkje kjem til sin rett, har vore utgongspunkt for fargane i tapetet. Gledar meg til alle dei raude tekstilane eg endeleg kan ta fram...

Ei slitt og skjønn bok til både bruk og pynt på nattbordet.

Me bur trass alt i Telemark og alle heimar her med respekt for seg sjølv må ha noko rosemåling. Denne "papirkorga" er måla av lokal og kjend målarinne.

Eg kom over det her gardinbrettet på loppis ein gong, og det har sidan gjort nytte som hylle og pynt over senga. Eg er verkeleg utruleg glad i tradisjonsrik dekor og handverk; riktignok i kons eigen miks:-)

Sjaven skal snart igong med å panele soverommet, og eg gledar meg som ein unge! Det blir lunt, varmt, personleg og... raudt! Kan det bli betre?

Eg vil takke for alle herlege kommentara frå de skjønne menneske-

DET FRYDAR KON STORT!

Ha ein god veke.

Klem frå

Sjova

Honning og vanilje

2009-10-13T12:20:00.000-07:00

Det skal seiast at kjøkenet er det rommet i huset me brukar mest tid i. Lagar mat, et mat, kviler i gyngestolen, surfar på nettet, har besøk; you name it!
Til og med fargane her smakar godt; honning og vanilje...

Spisestua fekk me i bryllaupsgåve, og ho har husa mangt eit selskap og matgilde. Over heng ei anna kjær gåve frå bryllaupet kons; ei handsmidd ljosekrone. Med levande ljos i ho blir kveldane meir enn koselege...

Kråskåpet FEKK eg i ein brukhandel og oppå står nokre fleire av Sjova sine kokebøkar i ei gamal margarinkasse.

Nydeleg?! Alpefiol i ei av oldemor sine skjønne potteskjularar. Ingenting i huset eg er meir redd for å knuse enn dei... Men brukas må dei!

Fann ut at noko av det gamle kjøkenutstyret kons like gjerne kunne gjere dobbel nytte i både gryte og som pynt! Faktisk lettare å finne dei ved behov også enn i ein rotete skuff...
Det skjønne opphenget til blomen har eg fått av min gode ven Livs lyst.

Som nemnt tidlegare likar eg pynt i glasa. Det her er eigentleg ei skoskrape til å ha framfor dynna. Fram til utearealet kons er ferdig får ho stå her og pynte opp.

Då gangen kons er eit salig kaos, heng me utekleda i det her skåpet. Elskar den slitte looken og så rommar det mykje. Ein gamal pianokrakk frå Sverige og på spegelen heng nokre nyper på ein ståltråd.
Med tid og stunder skal Ulabrand- omnen kons står her med kaffikjelen på og vaflar i jernet oppi ringane... Kjem du innom??

Ein gong set me nok inn glas i dynna, men eg likar stoffet og eg:-)
Den øydelagte pynten har vore ein krans, no minner det mest om ein hestesko.

Hjarte er ei av favorittformene til Sjova, og ingen ringare enn Livs lyst har laga det her hjarte som lyser imot alle som kjem inn på Sjaven og Sjova sitt kjøken.
Og litt kjærleik er vel ikkje det verste me kan gje vidare til gjestane kons?!

Ønskjer deg ei fredfull veke med mykje god hjartevarme!
Klem frå
Sjova

Stova kons

2009-10-07T06:54:00.000-07:00

Kvite veggar i små rom med mørke møblar hindrar klaustrofobi og vanskar med å puste:-)
Som dei andre romma skal også stova isolerast for kalde vinterdagar. Me byter nok panel også, samstundes som me byggjer trapp, men fram til då er stova perfekt.

Det siste, gamle vindauge i stova. Med tid og stunder skal me sette inn ei verandadynn her, med utgong til den framtidige, overfrodige kjøkenhagen min. Vinterhage kan det og hende det blir, men det laaaangt der framme.

Dei fleste vindauga i huset kons har pynt som desse. Opphaveleg er dei plater til eit lite bord, men for meg vakre smykke. Og så får ikkje den gode naboen med seg alt ( i kikkerten sin)

Den førre skinnsofaen kons blei gigantisk her inne og han trivdes liksom betre i meir urbane settingar. Så då kafeen me båe to er engasjera i trong ein sofa, slo velsigninga begge vegar: Kafeen fekk sofaen som ein skulle tru var laga for plassen, og me fekk denne herlege salongen:-)

Dette var tidlegare eit spisebord som ein gong på vegen fekk seg ein sprekk. Far min saga det i to, og vips hadde eg eit nydeleg, lite konsollbord.
Veldreia bein:-)

Ein diger, raudmåla sjenk frå 1970- talet er bytt ut med denne sjarmerande saken. Slitt og fin, og akkurat passe stor i stova.

Syltepressa står foreløbig til pynt, men snart jol... Engelen er del av eksamensoppgåva til ein kjenning. Bak ei dynn me ikkje brukar.

Dette var ein liten kikk i ei lita stove. Sjølv om det er mykje hjarterom her, er det desverre ikkje alltid nok husrom... Det gleder eg meg til at det blir meir av:-)

God, og gjestfri veke til deg og dine!
Sjova

Framleis arbeid å gjere!

2009-10-02T11:30:00.000-07:00

Sjova og Sjaven har vore gift i 5 år idag! Hurra!
Utruleg kor tida gjeng!
Me har altså ekte trebryllaup:-) Og i det høve skal de få sjå litt frå dei delane av huset som treng arbeid og tre i ymse former! Som veggpanel, takpanel, lister, golv osv...

Og du klarar vel å sjå potensialet? Her skal det bli soverom snart, og eg ser veldig fram til å flytte ut av stoga!
No må rotet snart ut for Sjaven ivrar etter å byrje på oppretting av golvet; noko som forøvrig krev sin mann.

Tv-stoge, loftsstoge eller noko i den duren skal det bli her. Med duse fargar, mjuke sofaer og avslapping! Retrosofaen vår er nett og kul, men det hjelper ikkje når ein sliten arbeidar ønskjer å liggje på sofaen og slappe av...

Her i gangen er det som nemnt tidlegare ope til andre etasjen, med berre stige som framkomstmiddel. Trapp blir digg, men då me må opne taket i stoga under for å få plass til ho, blir nok trappa ein av dei siste postane på programmet.

Ja, ja, ikkje arbeidsledig enno:-) Huset er altså framleis under utarbeiding og oppbygging; og i likskap med ekteskapet tek det tid og energi, men du verda så spennande undervegs!

God helg, kjære besøkande!

Sjova

Eit skåp til meir enn oppbevaring

2009-09-29T08:55:00.000-07:00

Med dei enklaste materiala, og nennsam hand laga morfaren min dette skåpet under krigen.
Etter år på hytta kons, fekk eg det. Det er eg glad for.

Oppå står nisteskrinet mormor åt frå då familien var på tur. Mjølkespannet ho henta mjølk i. Slitte, sjarmerande fat. Skjønne fargar, former og ikkje minst forteljingar.

Tidlegare hadde skåpet fleire blåfargar, og kvite plastknottar. Sjarmerande på sitt vis, men som ein utvida del av kjøkeninnredninga fekk skåpet same farge og handtak som dei andre.

Skåpet er enkel i forma, men utruleg praktisk. Det husar diverse servise, og i skuffane ligg det bestikk, og MANGE oppskrifter!

Ja, for Sjova elskar å lage mat! I hylla ligg berre eit lite utval kokebøker. Kan det vere ein mani?!

Morfar sitt namn med ei herleg skjønnskrift.
Han var stasjonert ikkje langt unna her eg bur no, og eg tenkjer ofte på korleis han hadde det, kva han drøymte om, lengta etter...
Trass krig og lang veg heim, måtte han skape noko. Det beundrar eg.

Ei litt sliten dame laga av Sjova i ei tid ho sjølv kjende det slik:-)

Ein diskret utskjering, men dog så vakker.

Morfar var sterk, dyktig, kreativ og ikkje minst verdas snillaste. Eg har mange gode minne,og dette skåpet bidreg til at dei ofte kjem fram.

Vonar du kan ta fram gode minne frå dine nærmaste!

Klem frå
Sjova

Betre med system i kaoset enn...

2009-09-27T07:41:00.001-07:00

...kaos i systemet, heiter det så fint. Og akkurat systematisering av kaos er hovudgeskjeftelsen no om dagane. Spørsmålet er berre kor ein skal byrje etter år med pappesker istaden for skåp?!

Eit stort skåp på kontoret stod difor høgt på prioriteringslista kons,
og det er no langt på veg ferdig.
Sjaven ville (sjølvsagt) byggje skåpet sjølv slik at me kunne spesialtilpasse innredninga etter behova kons.
Ikkje ein kjole som skal subbe i golvet no lenger:-)

Innredninga er laga av ferdig måla plater og kosteskaft:-) Enkelt og funksjonelt.
Ein gong i framtida(saman med mange andre prosjekt) skal gamle vindauge pryde desse skåpa som dynnar. Fram til då fungerar stoff veldig bra.

Eg fann 8 gardinhøgder til 70 % (!) i perfekte nyansar. På desse fjerna eg løpegangen og sydde på ørti smale silkeband som eg knytte over ei smal stong.

Eg er utruleg glad i det ljose, florlette og kvite mot det mørke.
Spottane bak bjelken gjev godt ljos og gjer stoffa akkurat passe transparente.

No er det altså berre å få system bak forhenga... Godt eg har mange kalde og mørke haustkveldar framfor meg:-)

Eg vil og takke for alle nydelege kommentarar
frå de skjønne menneske!
Det gjev glede.

Kakaovarm klem frå
Sjova

Kreativ hole

2009-09-27T06:00:00.001-07:00

Etter det blå rommet byrja me på dette; nemleg kontor og sysystue. Sjaven sette opp veggar, panelte, bytte vindauga, la golv og laga fine "falske" bjelkar i taket.

For lenge sidan fann eg eit par rullar herleg tapet i ein bruktbutikk. Skikkeleg 70- tal, men samstundes nydeleg i sitt rette element. Og tenk, nokre år seinare fekk tapeta spele hovudrolle i nettopp dette rommet!

Eg er som nemnt glad i kontrastar, og saman med kvitt tak og kvite lister kom tapetet verkeleg til sin rett! Lampa er eit loppisfunn til 20 kr, skjermane likeså.
Gardinstoffet heng på eit avkutta kosteskaft, og er bunde opp med ei stoffremse som ei slags liftgardin.

I og med rommet har mykje naturleg ljos satas eg på brunbeisa panel; og har ikkje angra. Lunt og godt, kontrastfylt og inkluderande både for Sjaven og Sjova!
Stolen med sauefell er ein god stad å utvikle kreative prosjekt, eller til kvile frå papirarbeid.

Ei gamal dynn gjer nytte som veggpryd, og med eit lite loppisbilete som pynt
er ho så god som nokon.
Den nedre delen av dynna er øydelagt, og passar difor perfekt bak kista.

Kista har eg fått av mormor, og er full av diverse stoff, sysaker og... minner. Min kjære morfar tok i si tid av det øydelagte skinnet på kista for å trekkje ho om på nytt. Slik blei det ei, men for meg gjer det ingenting. Kista har stor affeksjonsverd!Og så er ho praktisk...

Rommet er ikkje ferdig innreda, men me tek det litt pø om pø. (Skal syne dykk meir seinare)
Me nyttar likevel rommet for fullt, og med ein slik utsikt frå arbeidsbordet er det vanskeleg å ikkje la seg inspirere!

Framleis kreativ og kvilefull sundag til deg!
Sjova

Huset sine augo

2009-09-24T10:30:00.000-07:00

Vindauga er augo til huset, seiast det. Her på bruket er me heilt einige i det.
Opprinneleg hadde huset typiske 6- rams vindauge, med doble glas. Desverre var fleire av dei øydelagt og sidan eg alltid har drøymt om slike 4- rams vindauge me har no, blei det slik:-)
(Skal seiast at Sjaven var heilt einig!)

Me tykkjer iallefall at dei passar huset perfekt, men å velje innramming har vore verre. Lenge har me leita,både i det vide og breie, for å finne eit fint mønster.

Har blitt nokre turar med kamera og snikfotografering av forskjellige vindauge,
men kor trur de me fann det?! Jau, heilt riktig!
På eit gamalt hus sjølvsagt. Plutseleg ein dag stod det falleferdige og fråflytta huset der,
med dei skjønnaste og mest Telemark- aktige blondelistene me hadde sett!

Sjaven forstørra bilete, printa ut og laga ein mal. (med somme kunstneriske fridommar)

Ikkje nokre lette løysingar her i garden...

...men blei det ikkje fint?
Akkurat slik eg såg det for meg.

Klossane på sidene har me au laga sjav. Butikkprisen var heilt sjuk, så me tok likegodt planken i eiga hand(!) og skar dei ut; med god hjelp av svoger.

Det tok litt tid før me landa på husfarge, men då me gjekk for kvitt visste eg at me måtte ha ein kontrastfarge. Men kva for ein?
Kor fann me svaret trur du? Nok ein gong riktig gjetta!
På eit herleg, gamalt hotell.

Me er rett og slett nøgd!
Siste hand på verket blir klossar under vatnbrettet, men det er ikkje hast:-)

Framleis god veke til deg og dine!

Klem
frå
Sjova

Eit varmt hus

2009-09-22T11:45:00.000-07:00

Det gjeng mot mørkare og kaldare dagar, og huset treng meir varme.

Til no har me fyra i ein skikkeleg retro-omn som stod her på bruket då me flytte inn. Nesten ubruka, og med plenty av olje på tun-tanken.

Siste kalde vårdag gjekk imidlertid oljetanken tom, og no må me finne på noko anna. Pipa kons er gamal og sliten, og feieren meinte ho ikkje var trygg å fyre med ved i. Godt det likevel finns ei råd!

Pipa er relativt stor, så Sjaven og far hans fekk satt leca- element ned i ho og fylt det ytre tomrommet med leca- kuler. No har me altså eit nytt, rundt piperøyr. Litt av eit prosjekt med provisorisk stilling på taket, men karane er flinke og no kan me fyre, fyre, fyre...

Iallefall snart! Ny varmekjelde må inn, men kva vel ein?
Kakkelomn?
Peis?
Ulefos etasjeomn?

Eg ser iallefall fram til at denne herlegheta skal få plass på kjøkenet, sjølv om det ikkje blir med det fyrste!

Litt jobb må til, men du verda kor godt det skal bli med lita lunk på kjøkenet, putrande kaffikjele og nysteikte boller...

Kom gjerne med kommentar om kva for ei varmekjelde du har i huset og korleis ho fungerar; me treng råd!

Varm helsing
frå
Sjova

Føler du deg pressa?

2009-09-21T10:47:00.000-07:00

Føler du deg pressa om dagen?

Trur me alle gjer det meir eller mindre. Setninga traff iallefall meg, og har sidan opna for mykje tankeverksemd i desse oppussingstider.
Snart vinter og sno, me har ikkje vedomn, huset må målast ferdig, soverom må bli ferdig, vaskemaskina lek...

Måtte likevel le då eg vakna til denne pakka på sjølvaste bursdagen min.
Kva kunne det vere??

Ei syltepresse!
Gamal og godt bruka-- og heilt nydeleg.
Sjaven hadde på EIGET initiativ tatt turen til ei brukt- og antikksjappe og funne denne til meg.
Og det er stort for ein som i utgongspunktet ventar i bilen på slike stader:-)

Og du må ikkje tru ho berre skal stå til pynt! No er det slutt på alle provisoriske pressemetodar til sylta, og dette eksemplaret var i tillegg finare enn nokre eg har sett til no. Kan hende det gjeng an å presse blomar i ho au?

Solid handverk og perfekt funksjonalitet- lurar på kven som møysommeleg har laga ho, og ikkje minst kven som bruka ho? No skal pressa få bu hjå Sjaven og Sjova ei stund, og gje næring til både mage og tanke...

Dette livet; me må ikkje la det presse kon for mykje. Sjølv om ikkje ting er på stell akkurat no vil det bli det ein dag, og fram til då må me lette på presset som best er...

Sjaven; takk for dine herleg kommentarar, arbeidslyst og ikkje minst evne til å bringe humor inn i kvardagen kons! Det er gull verd.

Gode og lette ønskjer frå

Sjova

Industri i heimen

2009-09-19T16:59:00.000-07:00

Industrielle element er kult, og det har sniki seg inn nokre få her på garden au.
På oppmodig frå kons alles kjære LivsLyst, syner eg dykk nokre bilete av kjøkenlampene mine.

Desse heng over arbeidsbenken.

Eg kjøpte dei på Ikea for nokre år sidan og har digga dei hemningslaust. Slike lamper var opphaveleg arbeids- og industrilamper, og fleire liknande er å få tak i no ; nye og bruka.
Skal seiast at eg også drøymer om eit godt slitt eksemplar
med mykje patina, men desse duger i masser fram til då.

Det svarte passar interiøret på kjøkenet kons veldig bra, og mjukar opp det som fort kan bli FOR bonderomantisk. Og så er eg generelt glad i svart!

Gamle tekstilledningar på lamper er desidert det finaste, meiner noe me her på bruket. Sjølv om mange av lampene har slik ledning, var desse eksemplara utstyr med herlege, syntetiske variantar.
Det måtte me gjere noko med!

Rundt her me bur var det ikkje lett å oppdrive desse ledningane, men så kom Sjaven på ein glimrande ide; me brukar ledning til strykejern!
Lurt, ikkje sant? Dei var lette å oppdrive, billege og ikkje minst passa dei perfekt!For kon.

Herleg spettet, og ekte tekstilledning;.)

No gledar eg meg berre til det kjem ljos i dei...!

Ha ein ljosfylt sundag!
Klem frå
Sjova

Plankeprosjekt del 2

2009-09-17T03:26:00.000-07:00

Invitasjonar, nøklar, frøposar, postkort, turknivar...Alt dette pluss meire til, har tidlegare hatt ein tendens til å liggje både her og der. Gangen kons er ikkje ferdig, og ein kjem då rett inn i kjøkenet. Og sjeldan tomhendt:-)

Som nemnt tidlegare er det herleg å kunne gje gamle plankar nytt liv, spesielt når det er til noko ein verkeleg treng!
Så ein vakker dag sette eg igong med sag, hammar og spiker og laga ei opphengstavle.

Hønsenetting låg i store byltar i røysa; godt bruka, men etter bøying og klipping fann eg ein nesten heil bit.

Dei vakre knivane fekk med til bryllaupet, den minste til Sjova og ein litt større til Sjaven. Ein kjenning har laga dei , og me har dei alltid med på tur.

Bjølle som har vore bruka av både sau og toastmasterane i bryllaupet kons!
Treklyper og S- krokar frå Ikea gjer nytta som oppheng.

Gjenbruk av herleg, lite venninnebilete.

Tavla heng på ei gamal hylle me fann på stabburet. Grønfargen er som bestillt.

Eit herleg kaos, men så lengje det er PÅ tavla og ikkje I kjøkenet og i resten av huset, er eg nøgd!
Og eg finn alltid nøklane mine:-)

Framleis god haustdag !

Helsing
Sjova

Prosjekt gamal planke

2009-09-15T12:49:00.001-07:00

Er det noko me har mykje av her på bruket så er det gamle plankar! I alle moglege fargar og fasongar. Og at dei berre skal liggje under låven eller i vedskjulet er for gale.
Det skal seiast at Sjova er glad i å lage mat,(ete den og) men dei altfor mange oljeflasker og sausar hopa seg opp på benken og trong ein stad dei kunne samle seg.
Det fekk dei.

Nokre grøne plankar, spiker, ei sag og ei finerplate til botn gjorde susen, og kassa blei rommeleg nok til alle flaskene mine.
Neste prosjekt er å finne ymse flakser som ser betre ut enn plastflaskene frå Asiamat,
men det er ein veldig fin vinteraktivitet:-)

Sette kassa på ei rist så det går lettare å flytte ho når eg bakar. Lagar ikkje så fort riper på benken heller; sjølv om det ikkje er det eg er mest opptatt av...
Uansett, prosjekt planke er igong! Eg elskar gjenbruk:-)

Vonar kreativiteten din står i full blom denne veka!

Sjova

Eit skåp til glede

2009-09-15T11:55:00.000-07:00

No om dagen jobbar Sjaven for det meste ute på fasaden, og eg med "dill" inne. Sjølv om eg ikkje er god på snekring og anna grovarbeid på huset, blir jo ein heim til av møblar, gardiner, ljos og blomar også. Eller kva?

Møblar til oppbevaring er alltid ei utfordring, og eg er meir eller mindre konstant på jakt etter dei. Når ein pr. dags dato har lite plass, må løysingane vere best mogleg, og det skadar heller ikkje at dei ser bra ut:-)

Det her skåpet fann eg ein dag i vinter hjå den berømmelege Skrotnisse!
Eg byrja grundig med skraping og pussing,men halvvegs fann eg ut at eg ikkje ville måle likevel og sidan har det vore som det er.
Slitt og kvitt;-)

( ups...rot!)

Det manglar glas, noko eg vil prøve å få sett inn snart. Fram til då funkar eit stoff frå Grønland perfekt. Eit hjarte frå Kid pyntar opp. Skåpet treng eit handtak, men eg har enno ikkje funne det perfekte. Tips meg gjerne!

Skåpet står på gjesterommet, " Det blå rommet" for kon som bur her, og huser for tida diverse sengetøy og stoff. Sjaven må nok til å lage hyller ein gong, men det tek me ein snøfull og kald vinterdag!

Ein heim blir til; både inni og utapå om dagen. Er i planleggjingsmodus til me snart skal byrje på soverommet kons, og må sei eg gledar meg til å flytte ut av stua!
Likevel, utruleg kva ein finn seg i berre ein veit at forandringar kjem ein dag der framme.

Og godt er det:-)

Ha ein god haustkveld, kjære du!

Sjova

Det blå rommet

2009-09-13T10:46:00.000-07:00

Då me starta prosjekt "Hæujen"var andre etasje berre eit stort, ope rom utan golv og veggar, men med mykje herleg glassvatt:-) Bror av Sjaven blei den heldige oppryddar, og med fullt verneutstyr gjekk han til verks. Og han klarte seg bra.

Eit soverom stod fyrst på programmet. Sjaven retta av golv, sette opp veggar, og la tak. Då me båe to kvalifiserar til medlemskap i Dei Høges Klubb, vil me ha best mogleg høgde under taka kons. Difor laga me "falske" bjelkar, og panelte imellom.

Fargar er alltid ei utfordring, og når sant skal seiast vel eg dei ofte på impuls. Einaste kriteriet for dette prosjektet var at det skulle vere eit roleg rom, og eg fann tilslutt ein eg har døypt kvile.
Rommet er for gjestane kons, og eg har prøva å halde fargetonane dempa og harmoniske. Virkeleg kvile for familie og gode vener:-)

Himmelseng har vore ein romantisk draum, og no lev eg han ut. Sjaven meiner det blir i meste laget for mannfolk- gjestene kons, men eg trur dei fleste kosar seg på rommet. Det gjer iallefall me!

Sengehimmel frå Ikea, stoffremser til pynt og puter sydd av herlege stoff frå fargerike butikkar på Grønland i Oslo, og sjølvsagt heklapledd frå mormor. Det ikkje fritt for at eg må "låne" rommet litt av og til sjølv...

På "nattbordet" ligg sengelektyre i form av interiør og prosa.
Mannen som solgte den skjønne krakken til meg, ønskja meg lukke til med å måle han, men dengong ei. Han passar perfekt i fargane!

Eit herleg, slitt spegel har fått plass på det gamle bordet. Får liksom ikkje nok av desse sjarmerande speglane...Tenk alle andleta som har sett seg sjølv i akkurat dette eksemplaret!

Som nemnt er eg glad i kontrastar, og då eg fann denne stolen på Finn.no blei det blå rommet litt meir meg. Grenser for duse fargar:-)
Filleryer på kvitvaska furugolv blir aldri feil, og her tek dei opp fargane frå stolen. Lunt, fint og praktisk, både for Sjaven, Sjova og... gjestene.

Må veka di ha mykje rom for kvile!
Sjova

Liv på garden

2009-09-08T12:42:00.000-07:00

Ein gard må ha dyr! Då me flytte inn fekk me kon verdas skjønnaste katt, men då me ikkje hadde overskot til andre husdyr saman med oppussinga, har det ikkje blitt fleire.
Før no! Me har fått kon 20 herlege høns og dei bur i det gamle fjoset.

Fjoset har ikkje vore høgt prioritera på lista over ting å gjere, og eg har hatt eit bilete av at det meste måtte rivast og byggjast nytt om det skulle bu dyr der.

Det trongst ikkje. Det gamle grisefjoset var perfekt i storleik og plassering, og etter ein dugleg reingjering, sette min kjære pappa igong med innredning og det ble så bra, så bra! Hønene stortrivst.

Dynna inn er kanskje vel sliten, og med kalksøl og sprekkar er ho jo kanskje ikkje verdas finaste. Men eg blir reint glad kvar gong eg skal mate dei:-) Eg tenkje på alle dyra som har budd bak den dynna, og kor viktig fjoset var på garden. Snart kan eg sjølv hente egg til meg og mine, og eg kan nesten ikkje vente.

Ei herleg tønne som har vore på garden i årevis. Og ho må brukas meiner no eg. Full av flis til hønsa gjer ho atter nytte på bruket, og så er ho så fin å sjå på!

Den gamle vedkassa har fått nytt liv ved å huse hønseforet. Ho har ei nydeleg rosafarge og eg vurderar sterkt å ta ho inn i huset til oppbevaring, men fram til då skal ho vere til glede og nytte for meg og andre som besøkjer hønene.

Eg gledar meg til at fleire dyr skal fylle garden med liv. Fram til då får me ta til takke med elg og rådyr:-)

Ha ein livleg dag!

Sjova

2009-09-07T06:49:00.000-07:00

Å skape ein heim er fantastisk og i tillegg kunne få til sin eigen arbeidsplass heime er for meg ein draum. Lange arbeidsdagar og mykje køyring gjev næring til denne draumen om å kunne ha ein liten gardskafe eller ein bruktbutikk i stabburet? Kanskje festlokale på låven?

Uansett ligg realiseringa eit stykkje fram i tid, fram til då må me jobbe:-)
Likevel; når ein møter nokon som har gjeve liv til draumen, tenkjer eg og at alt er mogleg...

Som denne inspirerande kafeen me kom over ikkje så langt unna Steninge i Sverige.

Det gamle fjoset var laga til ein herleg kafe med sitteplassar i båsane.

Hyllene kor ein fann seg vatn hadde både nye og gamle ting i skjønn harmoni. For ikkje å snakke om den gode maten; alt var heimelaga!

I den gamle mylla var det innreda galleri, og i resten av låven eit herleg gardsutsal med div. heimelaga produkt.

Hagen var ein draum med kvite møblar, herlege blomar, vatnfontener, og...ro.

Tenk om dette stabburet ein dag kunne vore arbeidplassen min? Foreløbig husar det alle dei gamle ting og møblar eg enno ikkje har plass til inn:-)

Eg er glad du kikka innom- må dagane vere fulle av inspirasjon for deg!
Sjova

Me pyntar hus

2009-09-05T14:18:00.000-07:00

Sjølv om regnet ikkje slutar, er det framleis ljose dagar ein kan arbeide ute på. For tida er det eksteriøret; utsjånaden på huset som står på programmet. Det treng litt pynt!

Me har ein skjønn nabo og etter far sin har han eit gamalt, falleferdig hus. Ikkje mykje att av det no, men det har nokre flotte utskjeringar, eller restar av det...Mang ein gong har me sett dei og beundra handverket; tenk å hatt noko slikt på bruket kons!

For å gjere ein lang historie kort blei naboen riktig så glad for at me lika utskjeringane til far hans, og me fekk mellom anna eit spir som mal til eit nytt eit.

Tenk alt arbeide han la ned i dette, og alle åra det har stått til glede både for hus og folk.
No er berre restar att, men takket vere Sjaven kan om ikkje anna minnet om den flinke treskjeraren leve vidare.

Sjaven syner nemleg stadig nye sider, og no er det treskjeraren i han som kjem fram. Til å vere heilt fersk i gamet gjer han ein super jobb. Det meiner iallefall Sjova:-) Og det blir jo så fint!

Ein kross dukka opp au, til skjold og vern for gard og folk!

Etter litt måling; grønt og kvitt som resten av huset, skal det opp og pynte huset kons.

Velkomen att for å sjå korleis det, og resten av bruket blir:-)
Framleis god helg til deg og dine!

Sjova

Man tager hva man haver

2009-09-01T11:51:00.000-07:00

Å byggje kjøken er ein kostbar affære- har eg høyrd. Visstnok blei det nokre kroner i isolasjon, panel og måling,
men utover det har ikkje kjøkenet kons kosta stort.

Mine kjære svigerforeldre byta ut kjøkenet nokre år før kon, og kan hende det ligg i slekti; iallefall var ikkje den gamle innredninga kasta:-)

Lakka tre som for lengst hadde gulna, med store sprekkar og lite freshe handtak

var ikkje mykje å skryte av, men i slike høve må ein vere desto meir kreativ.

Sjaven snekra og limte, me sparkla, pussa og grunna, og måla skåpa ljose. For ein forandring!

Handtak og knottar fekk me billig, og benkeplata var opprinnelig olja eik.

Eg er glad i mørkt tre, og lenge var benkane bra å ha, men det stadige behovet for oljing og pussing gjorde sitt til at eg ein vakker dag( for ikkje lenge sidan) vaska med trerens, pussa dei ned og måla dei grå med golvmåling! Så langt er eg stornøgd:-) Heile kjøkenet blei nokre hakk rolegare.

Nokre av dynnane til kjøkenskåpa lot seg ikkje redde, noko som var heilt ok. Eg har alltid lika opne løysingar på kjøken, men har kvia meg av di eg ikkje befinn meg i den altfor systematiske kategorien. Likevel blei det slik, og sjølv om nokre vil sei hyllene er rotete, meiner eg det gjev liv til rommet, og eit meir uhøgtideleg preg. Alle desse fine bollane og tallerkane kan jo heller ikkje gøymast bort.

Kan hende eg ryddar der ein dag, skal aldri sei aldri...

Den skjønne benken som stod i huset då me overtok, har vore inspirasjon til ein ny kjøkenbenk som delvis er ferdig.

Skulle hatt ein like velbruka og naturleg slitt benkeplate då, men men...

Kanskje eg finn det ein dag?

Vonar heimen kons kan vere til inspirasjon for deg.
Me kosar kon iallefall veldig her på bruket, og det må du også der du er!
Ha ei framleis god veke!

Sjova

Hjarte i huset

2009-08-31T12:13:00.000-07:00

Noko av det fyrste me tok tak i her på bruket var kjøkenet.
Eller det vil sei at me måtte lage eit. Heilt fantastisk at denne lille benken
var dei forrige eigarane si kjøkeninnredning! Eg elskar formen på han,
kledd i fas-panel med samme fargen som veggane,
og med superenkle, men desto meir sjarmige hasper til dynnane.

Det er sjeldan eg kviar meg for å dra brukt og gamalt inn i huset,
men denne benken hadde gjort sitt... Han er likevel ikkje kasta;
står på låven og ventar på å gjere nytte ein ny stad. Idear tas imot med takk!

Romma i huset er små, men då eit lite kjøken ville vore uutholdeleg for Sjova(og Sjaven)
reiv me ned ein vegg; og vips blei to til eitt.
Høyres nok enklare ut enn det var- hugsar enno eg aleine
måtte støtte ein ståldragar på x antall kg for beringa si skuld mellom romma,
medan Sjaven låg på loftet og prøvde å skru han fast!

Då veggane i huset er isolert med god, gammal ....luft(!)
blei beslutninga om å rive innekledninga, isolere etter Norsk Standard
(eit ord eg ikkje likar altfor godt) og panele på nytt i same stil, tatt.
Hadde vel ein romantisk draum om å behalde alt slik det var- tenk så godt blomane hadde lika seg i dei trekkfulle vindauga:-) Er imidlertid glad for dei nye veggane idag.
Vinterane i Telemark kan bli bra kalde, og du verda kor me kosar kon på det lune , nye kjøkenet.

Ja, bygging er iallefall noko eg, og me har lært mykje om dei siste åra. Trass slitet er det jo ein utruleg glede å kunne sei at ein har gjort ALT sjølv; ingen innleigde handverkarar her. Enn så lenge:-)

Vonar du kjem attende for å sjå meir av korleis heimen kons har teki form.

Måtte dagen din bli god:-)

Sjova

Det var ein gong...

2009-08-31T04:32:00.000-07:00

Det er fort å gløyme korleis det såg ut her på staden då me overtok. Slitt, fæle fargar, møkkete, forfallent...og tomt. Trass alt var det draumeplassen, og det var ikkje vanskeleg å sjå gull i all gråsteinen. Mykje har skjedd sidan den gong, og eindel stend att. Likevel; å mimre litt gjev ein skikkeleg oppmuntring på alt me har fått i stand til no.

Me kjende begge til plassen frå før, men ALDRI hadde eg trudd eg kom til å bu der. Og no gjer eg det:-)
Her er litt av den gamle "finstua"

Her er den gamle kjøkenkroken kor dei gamle på garden sat dag ut og dag inn. Og beundra alt det dei hadde skapt med eigne hender gjennom eit langt liv. Eller kanskje dei berre såg alt som framleis var å gjere, men som dei ikkje lenger makta?

Badet er eit påbygg frå 80- talet, og lite bruka. Utedoen var og blei favoritten...

Herleg slitte golv! Likevel; me hadde kons grunnar for å fikse litt på dei...
Det var vel heller ikkje noko å seie på fargeval før i tida? Gul, raud, mintgrøn, blå...Nokre av fargane er jo hotte no, men det heile kjem vel an på korleis dei blir sett saman:-)

Velkomen attende for å sjå meir av kva ME har gjort her på garden!
He ein strålande kveld!